Acariciando a victoria

Xa pasou tempo dende o 18 de setembro, día en que se celebrou a final do campionato do Náutico de Cobres. Na memoria quedan imaxes soltas, sensacións de certos instantes, os cales non sei si son suficientes para sentarse diante do teclado e poder contar como foi esa esperada final. O filtro do tempo as veces, permite separar entre o superfluo e o importante, e poder captar a esencia do acontecido.

O sabor de boca que me quedou a mín foi que tódolos que participamos estabamos satisfeitos polo resultado do campionato.O certo e que todos poideron acariciar a victoria, sentir que en algún momento o campionato se podería decantar do lado deles. A clasificación final foi moi axustada e houbo a posibidade de que a clasificación podería rematar con un cuadruple empate a 5 puntos. Polo que a sensación de dalo todo, de non poder ser, pero estar cerca, conformou as espectativas da maioria.

O primeiro recordo que me ven da final e o de Xabier e Silvia, que despois de dunha tarde brillante, radiaban alegria, exultantes. Foron os que leeron mellor o vento no campo de regatas, encontrando a bordada optima para facer o tramo de ceñida, cun rumbo moi aberto e cunha soa maniobra de virada. Esto lles permitiu remontar posicións na primeira manga, onde nun inicio dubitativo lles retrasou un pouco. Na segunda manga sairon moi ben e coa mellor estratexia, conseguiron unha ventaxa importante antes de que o vento vaixara no tramo final da manga de intensidade, deslucindo o espectaculo e case obrigando a suspender a manga.

En frente tiñan rivales moi duros como Carlos e Antón. Despois da súa brillante clasificación, eran uns dos máis sólidos candidatos para levarse o campionato. Estiveron ben colocados nas dúas mangas o que lles permitiu situarse segundos na clasificación. Penso eu que só lles faltou un pouco de vento para poder brillar máis, como nas mangas clasificatorias. A eles tamén os vin moi contentos, e agradecidos polo seu segundo posto final.

Pese a actuación desigual, Julia e Manuel tamén me deron a sensación de poñer en valor o seu primeiro posto da primeira manga, sobre o seu último na segunda. Dende logo os campións o demostran gañando e perdendo, en nesta ocasión escapouselles unha oportunidade que parecia que se lles poñia en bandexa. Dominaron a primeira manga, tiñan un bo barco e daban moi boa sensación de cara a segunda. Pero unha mala saida na segunda manga desbotou tódalas súas posibilidades. Parecia que tiñan marxe para recuperar posicións, pero esa remontada non tivo lugar. Unha manga tonta a ten calquera.

A Maria e Ines tamén lles pasou algo parecido a Julia e Manuel, pero a elas a peor manga foi a primeira. Non estiveron moi inspiradas na primeira o poñer en práctica a estratexia, e non colleron o ritmo adecuado. Outro cantar foi na segunda, onde sairon máis enchufadas e cousa que lles valeu o segundo posto da segunda manga. Polas súas caras de deber cumprido, decidiron ver o vaso medio cheo

Os que peores postos obtiveron, Xavi e Jesús tamén tiverón a súa dose de satisfacción. Pese a que lles tocou o peor barco deste campionato, co cal xa tiñan claro que só podian aspirar os últimos postos, por non dicir o último. Pero eles foron quen de no último sprint sacarlle o cuarto posto a Julia e Manuel na segunda manga. Ese cuarto posto lles supo coma si gañasen o campionato, non tanto por deixar a Julia e Manuel atras, se non por conseguir un posto moi traballado e difícil. Quen non se conforma é por que non quere!

Rematamos a final, como ven sendo habitual, cunha terceira manga frente o prato e amarrados o garfo e o coitelo e botella de viño a man. Os que non poidemos navegar nas dúas primeiras, escalamos posicións na clasificación do campionato e soñando que no próximo nos seremos os campións.

Parabens os brillantes campións.

Clasificación final

Equipo	Manga 1	Manga 2	Total
Xabier e Silvia	3	1	4
Carlos e Antón	2	3	5
Julia e Manuel	1	5	6
Maria e Ines	4	2	6
Xavi e Jesús	5	4	9

Ghrande espetáculo

Antes de comenzar a regata do domingo 12 de setembro na que participaba o grupo 1 xa se sabian clasificados o equipo de Antón-Carlos e Xabier-Silvia, esto debiase os resultados do grupo 2, máis concretamente pola puntuación do terceiro clasificado con 10 puntos. Tamén facilitaba a posibilidade de clasificarse os equipos de Xavi-Jesús e Benito-Cibrán si penalizaban menos que o terceiro do grupo 2.

A regata estivo marcada polo forte vento do norte e pola localización das boias. Para poder realizar a proba se colocaron moi preto de terra case pegado o clube, para aproveitar o abrigo de terra. Nunca se poido apreciar mellor dende terra tan ghrande espetáculo!

Na primeira manga Antón e Carlos sairon moi ben, seguidos de Manuel e Lucía. O tramo de cinguida foi moi interesante nas dúas voltas, xa que había que aproveitar as cales de vento que formaban as edificacións e arbores de terra. Esto formaba uns carriles de vento que habia que ir collendo para chegar a boia de sotavento. Nelo estiveron Xavi-Jesús, Antón-Carlos e Manuel e Lucia, pelexando duramente para acadar esa boia. Os que primeiro pasaron foron o dúo Xavi-Jesus seguidos de Manuel e Lucia, con Antón e Carlos moi preto.

Estas posicións non cambiaron no tramo de popa e de través, pero se reduciron distancias o intentar trasluchar Xavi e Jesús na terceira boia, cando cargaba máis o vento foro o agua. Adrizaron o barco moi rapidamente, non perdendo o primeiro posto, pero esta situación a aproveitaron Manuel e Lucia para botarselle enriba no segundo tramo de cinguida.

O segundo tramo de cinguida foi unha repetición do primeiro, cos tres equipos protagonistas pelexando por chegar a boia que estaba situada xusto diante do edificio do Clube Naútico Cobres. Esta vez Antón e Carlos pasaron primeiros, seguidos de Manuel e Lucia, con Xavi e Jesús moi preto. Os tres equipos administraron as ventaxas de hai a meta intentando non cometer erros, sobre todo na boia da trasluchada. E así foi, chegando nese orden a meta.

Por detras entrarían Xabier e Silvia, que firmaron unha discreta actuación o rematar cuartos, intentando non comprometerse dadas as condicións duras de vento nas que se disputaba a proba. Tamén pudo ter que ver nesa falta de tensión competitiva, que no quencemento antes da saida, Xabier se quedou sin proel o cair Silvia o mar.

A cruz foi para Benito e Cibrán que lles tocou o barco que no día anterior utilizarán Pablo e Xabier. O barco non estaba a punto, resultando ingovernable tanto o sábado como o domingo, obtendo os equipos que o utilizaron o último lugar de tódalas mangas que disputaron, desquiciando os membros do equipo.

A segunda manga parecia que ia ser un calco da primeira. Os tres equipos punteiros loitando polas primeiras posicións e os outros dous facendo o que podian. Despois dun disputado tramo de Cinguida pasaron Xavi-Jesús na primeira posición, seguidolles Manuel e Lucia, con Antón e Carlos preto. Pero na boia da trasluchada Manuel e Lucia volcarón cando ian en segunda posición, tiverón dificultades para adrizar o barco e abandoaron.

A partir dese momento Xavi e Jesús xa non tiveron problema para anotarse a manga, administrando a súa ventaxa. Antón e Carlos heredarón a segunda posición coa que cruzaron a meta. Os seguintes en cruzar a liña forón Xabier e Silvia, chegando na última posición Benito e Cibrán.

Con esto queda listo para sentencia o presente campionato cos equipos de Antón-Carlos, Xavi-Jesús, Xabier-Silvia do grupo 1 e Maria-Ines, Manuel-Julia do grupo 2. A final terá lugar o próximo sábado día 18 de setembro. Sorte para os finalistas.

Equipo	Manga 1	Manga 2	Manga 3	Manga 4	Total
Carlos e Antón	1	1	1	(2)	3
Xavi e Jesús	(5)	3	3	1	7
Xabier e Silvia	2	2	(4)	3	7
Manuel e Lucia	(5)	5	2	5	12
Benito e Cibrán	3	(5)	5	4	12

Sin titubeos

María e ines se clasificaron en primeiro lugar, con aplastante autoridade, nesta segunda regata clasificatoria do grupo 2 disputada o sábado 11 de setembro. Os outros clasificados foron Manuel e Julia que firmaron unha gran actuación, mostrandose moi sólidos en todo momento.

O encontro estivo animado pola aparición doutra tripulación, Guillermo e o seu fillo Sandro, que viñan a cubrir o oco deixado por Carlos e Tesi. Esto abría un pouco máis o resultado, xa que Guillermo é un navegante de nivel, experimentado e curtido en mil batallas, e nos deixou evidencias da súa clase.Tamén e de destacar a pouca intensidade do vento, que marcou as diferentes estratexias da proba.

A primeira regata estivo marcada pola remontada de Maria e Ines. Sairon mal xa que un problema coa driza do foque lles obligou a ir a terra a intentar solucionalo, o cal non lles permitiu estar ben colocadas no momento da saida. Nesta Guillermo e Sandro sairon con ventaxa seguidos de Alejandro, que ese día estaba acompañado de Alicia. Un pouco máis rezadados saíron Pablo (acompañado de Xabier) e Julia e Manuel

O paso pola boia de barlovento tiveron como protagonistas a Manuel e Julia, que con Guillermo e Sandro o par deles pasaron nos primeiros lugares. Esta loita se mantivo todo o tramo de empopada, saldandose con ventaxa para Guillermo e Sandro, despois da trasluchada na terceira boia.

Despois pasaron Alejandro e Alicia, seguidos de Maria e Ines que xa se cobraran a primeira víctima: Pablo e Xabier. Estes últimos tiveron mala sorte co barco, tiña unha vela que non se axustaba ben e non cinguia correctamente. Alejandro e Alicia forón a os seguintes que lle derón caza Maria e Ines. No tramo de popa lles superaron con claridade despois de comerlles a ventaxa que levaban.

Coas fauces cheas de sangue, lanzaronse a pola seguinte presa, reducindo distancias no tramo de través. Pero foi no tramo de cinguida onde lanzaron o seu ataque definitivo superando a Manuel e Julia e Guillermo e Sandro, trofeos que non saciaron a sede de victoria que tiñan as nosas campionas

Guillermo e Sandro foron os segundos no tramo de cinguida, non moi lonxe de María e Ines, esperando un erro que núnca chegou. Terceiros pasarón Alejandro e Alicia, que recuperaron unha posición superando a Julia e Manuel. Julia e Manuel non baixaron os brazos e os perseguiron ata darlles alcance no último tramo, pouco antes da meta, completando unha boa actuación. A Alejandro e Alicia se lles escapou o terceiro posto por moi pouco, pero se notou melloria con respecto o seu debut. Pablo e Xabier tiberon a súa loita particular co seu barco chegando nun orgulloso quinto posto.

Na seguinte manga Maria e Ines non deron opción. Sairon mellor colocadas e pasarón a boia de barlovento en primeira posición. Posición que xa non abandoarían nunca.

Por detrás pasarón Sandro e Guillermo seguidos de Manuel e Julia. Estes tiveron unha interesante loita que se saldou con Julia e Manuel por diante no terceiro tramo. No tramo de cinguida fixeron oco o cal lles permitiu obter un meritorio segundo posto

Alejandro e Alicia pagaron prenda o intentar cinguir demasiado na boia de barlovento na primeira volta, estiveron a piques de pasar segundos esa boia, pero ese erro os relegou a cuarta posición. Recuperaron un posto no segundo tramo de cinguida, pasando a Sandro e Guillermo. Pero estes no último tramo, nun apretado final conseguiron recuperar a terceira posición por media eslora escasa.

Pablo e Xabier non conseguiron sacar mais do seu barco, quedandose co quinto posto e quedando a espensas da puntuación do terceiro do otro grupo. Con dez puntos de penalización, os que optan o terceiro posto no outro grupo so dependen de si mesmos, si penalizan menos.

Felicidades os clasificados

Equipo	Manga 1	Manga 2	Manga 3	Manga 4	Total
Maria e Ines	1	(4)	1	1	3
Manuel e Julia	2	1	(3)	2	5
Pablo e Proel	3	2	5	(5)	10
Guillermo e Sandro	5	(5)	2	3	10
Carlos e Tesi	4	3	5	(5)	12
Alejandro e Raúl	5	(5)	4	4	13

Vento rolón

O trascurso da regata do 5 de setembro que disputou o grupo 2 estivo marcada pola falla de vento. Sobre todo a primeira manga, onde o vento pola súa ausencia, aleatoriedade e variabilidade voltou tolos os nosos regatistas. Mentres estiveron preparando os barcos nas inmediacións do clube habia un vento estupendo e a mar chea de algodóns, pero pouco antes de baixar o último deles o vento comezou a perder forza ata voltarse frouxo e variable.

A saída foi patetica, velas desinchadas, lanas caidas e os barcos mecidos polas olas. É certo que o ridiculo sempre é o xermén do humor e en cada parón os tripulantes se vacilaban uns os outros ou facian chistes malos da situación.

Despois do primeiro parón apareceu un pouco de vento sin dirección claramente definida, que nos levou a deixar a primeira boia atras con Manuel e Julia en primeira posición, seguido de Pablo e Manuel. Estes optaron en facer dous longos de través, mentres Manuel e Julia optaban pola liña recta, navegando con vento de popa. Esta decisión deixou a Pablo e Manuel alonxado do resto cando o vento perdeu forza ata pararse. Cando voltou o vento chegou primeiro os que seguian esa liña imaxinaria entre a voia de barlovento e a de través, voltando a arrancar Manuel e Julia e seguindolles Maria e Ines, Carlos e Tesi. Algo despois chegou a Pablo e Manuel, que estaban fora desa liña, un pouco máis alonxados e os relegou o cuarto posto.

Os tres primeiros equipos ian seguindose mutuamente intercambiando as súas posicións, e máis lonxe Pablo e Manuel e pechando a manga Alejandro e Raúl. Pero o que o vento te da o vento cho quita. Nun dos paróns de vento deixou a Manuel,Julia, Maria, Ines, Carlos e Tesi a la par e sin arrincada. En cambio ese vento puxou o barco de Pablo e Manuel, eliminando a ventaxa que tomaran na primeira manga, quedando os catro barcos cunha diferencia de media eslora. Quedaba facer a trasluchada na terceira boia e o tramo final. Maria e Ines ian polo interior e aproveitaron a ventaxa que lles daba esa posición. Julia e Manuel cruzaron a meta despois do equipo femenino, seguidos de Pablo e Manuel que non poideron sacar máis tallada da remontada. Carlos e Tesi pecharon o pelotón. Un pouco descolgados, cruzaron Alejandro e Raúl.

Na segunda manga apareceu outra vez o vento o cal lle quitou aletoriedade o transcurso da proba. Julia e Manuel aproveitaron esto e se marcaron unha victoria que lles permite tomarse con certa tranquilidade as seguinte dúas mangas e os consolida como firmes candidatos para pasar a final.

Os secundaron Pablo e Manuel que pelexaron duramente con Carlos e Tesi ata o final da manga. Cuartas acabarón Maria e Ines que non estiveron en ningún momento na pelexa.

Por último como mención especial cruzarón Alejandro e Raúl, que no seu debú conseguiron acabar, e que a pouco que vaian collendo man, pronto estarán no medio da loita dando guerra.

Equipo	Manga 1	Manga 2	Total
Manuel e Julia	2	1	3
Maria e Ines	1	4	5
Pablo e Manuel	3	2	5
Carlos e Tesi	4	3	7
Alejandro e Raúl	5	5	10

Branco e Negro

A primeira regata do Campionato de Vela do Naútico Cobres estivo determinada polos resultados moi brillantes para uns participantes e moi malos para os outros. O grupo 1 estaba convidado para esta cita, onde tivemos un vento forte de compoñente sur, ideal para regatear e disfrutar dunha tarde estupenda.

Branco foi para Carlos e Antón que sairon ben nas dúas mangas, estiveron sempre por diante, liderando as dúas mangas dende o sinal de saída. Non tiveron rival, solo Benito e Cibrán foron capaces de seguilos na primeira manga, pero non cometeron ningun erro obtivendo o primeiro posto nas dúas mangas.

Tamén Xabier e Silvia tiveron unha boa tarde, con dous segundos postos. Sairon moi ben na primeira manga e mal na segunda. Pero a sua baza foi non cometer erros o que lles permitiu aproveitar os tropezos dos demais. Branco.

Negro foi o fin de semán para Xavi e Jesús cun barco que lles resultou moi difícil de levar por un foque máis grande do regramentario. Por iso, na trasluchada da terceira boia, volcaron. Esto non lles permitiu acabar a primeira manga. Na segunda manga, estiveron na segunda posición ata o final, cando outra vez na terceira boia tiveron unha mala maniobra. Xabier e Silvia lles adiantaron e tiveron unha dura pelexa ata cruzar a liña de meta onde pasaron, por media eslora, diante de Xavi e Jesús nun emocionante final.

Benito e Cibrán tampouco tiveron o seu fin de semán. Sairon moi ben na primeira manga, despois de Carlos en Antón. Se mantiveron nese posto durante a primeira volta e parte da segunda. Pero se trabucou de boia de meta, o dirixirse ata a zodiac cando estaba asistindo a Jesús e Xavi, en vez de dirixirse a boia de saida-meta. Este erro lle costou o segundo posto que mantiverán durante toda a manga. Pero a súa desgracia non acabou nese percance, no tempo de espera entre manga e manga, nunha trasluchada o soporte do pinzote da botabara doublou, imposibilitando continuar a sua participación na segunda manga, forzandoos a abandoar. Negro.

Esto deixa o camiño ata a final alisado para Carlos e Antón e moi favorable para Xabier e Silvia. Peor o teñe Xavi-Jesús e Benito-Cibrán que están obrigados a gañar e que os seus rivais teñan peores resultados.

Equipo	Manga 1	Manga 2	Total
Carlos e Antón	1	1	2
Xabier e Silvia	2	2	4
Benito e Cibrán	3	5	8
Xavi e Jesús	5	3	8